ایکی بیتی شعر از مسیب اسمعیل نژاد تخلص آتیلا

شهرت منیم آد منیم 

قوهوم منیم یاد منیم 

هریرده بیرغریب گورسم 

گویه قالخار دادمنیم 

 آتیلا 

 اورک دوشدی نفسه 

 قوشوم قومدی قفسه  

 غریبلرین تانیشی 

 یار اول منه بی کسه 

 آتیلا  

اولدوز منیم آی منیم 

 اورک منیم جان منیم  

 ائلیمنن آیری دوشدوم  

غربت منیم غم منیم  

 آتیلا  

گئجه قوشی اوخوما  

غم کوینگی توخوما  

 هر کیمسدن اوخوسان  

 منه یاردان اوخوما  

 آتیلا 

 گونش باتدی آغلادیم  

 ائوزه گوزیاش باخلادیم  

گوزوم دوشدی غریبه  

غربت یئرده آخلادیم  

 آتیلا 

 قوشوم قومدی دیوارا  

آنام ددی آغلاما  

 هرکس ناحق آیرا  

هارا گئدسه قاییدا  

 آتیلا 

 من بلبلم گولوم سن  

 شاعیر منم سوزوم سن  

‌سنه جانیم فدادیر  

 امیرالمومنین سن  

 آتیلا  

گونش گویده آی آختارار  

محبتی جان آختارار  

یولوم سندن آیریننان  

گوزوم سنی های آختارار  

آتیلا  

آراز منیم جانیم دی  

دامارداکی قانیم دی  

اوردا شهید قیز اوغلان  

قارداشیم دی باجیم دی  

آتیلا  

آراز دوشدی آرایا  

کیمسه منی آرایا  

سوزی آرازدان اولسون  

آند ورمیشم خدایا  

آتیلا  

غم لر یئلی اسیب دی  

نفسیمی کسیب دی  

ظالیم دولوبدی ائله  

مسلم باشین کسیب دی  

آتیلا  

نامه یازدیم یاریما  

نیه چاتمیر دادیما  

من اونا نینمیشم  

گوزون تیکیب جانیما  

آتیلا  

یار ددیم ظالیم اولدی  

دشمنه جانیم اولدی  

چوخ یارواردیم قاییدا  

ایل بویی آیری اولدی  

آتیلا 

 غملی اولان تئز آغلار  

گوز یاشین ائوزه باغلار  

هر یئرده غملی گئذر  

اورک دییر گوز آغلار  

آتیلا  

نامه یازدیم یاریما  

چاتماسادا دادیما  

منده اورک قالماییب  

ائوزوم وردیم آدینا  

آتیلا 

 غربت منی آز آغلات  

گوز یاشین ائوزه باغلات  

وطنن آیری دوشدوم  

اولماقی یوردا ساغلات  

آتیلا 

 نفسیمین آخیری  

آتا آنا ناغیلی  

ه‍ئچ ذات دا بوداد اولماز  

قوهوم قارداش ناغیلی  

 آتیلا  

سوز گرگ داشا باتا  

 ذهنه عاقیلا چاتا  

هر سوزون ائوز یئری وار  

سوز وار گویده یئر تاپا  

آتیلا  

اوت توتدی یاندی جانیم  

گون کیمی باتدی یاریم  

نقدر دئدیم قاییدا  

قیدیمی آتدی یاریم  

آتیلا  

لالای دمه یاتمارام  

سنی فیکدن آتمارام  

اورکده مین سوزوم وار  

آلماسالار ساتمارام  

آتیلا  

آنام ائوده چراغدی  

آتام ائلده دایاغدی  

 باخما ساچلار آغاریب  

هر بیری بیر کتابدی  

آتیلا  

آنا ایاقین اوپوم منه عبادتدی بو  

بهشتی من نینیرم منه سعادتدی بو  

منه یئرین بوش گالییر اورک باخیر دیغلانییر  

سن سیز یاشماق یوخدی آدی هلاکتدی بو  

آتیلا 

 توکمه قانیمی یئره  

قورخورم آنام گوره  

منی دالدادا اولدور  

هر نه ظلمین وار ائله  

آتیلا  

آختارر گوزوم سنی  

اورگیم سوزوم سنی  

سن سن شعر صحبتیم  

نینییم گوروم سنی  

آتیلا  

درد منده درمان سنده  

سوز منده قلم سنده  

آغیزمنده چورک سنده  

آمما منن کوسدون سنده  

آتیلا